Paıdalanbaı jatqan jerdiń salyǵyn 10 ese arttyramyz - N.Ábdibekov

QARAǴANDY. QazAqparat - Qaraǵandy oblysynyń keıbir óńirlerinde aýyl sharýashylyǵyna arnalǵan, biraq paıdalanbaı jatqan jerlerdiń salyǵyn 10 esege arttyrady. Osylaısha, oblys bos jatqan aýyl sharýashylyǵy maqsatyndaǵy jerlerdiń aýmaǵyn azaıtpaq. Bul týraly aımaqtyq ortalyq kommýnıkatsııalar qyzmetiniń brıfıngisinde Qaraǵandy oblysynyń ákimi Nurmuhambet Ábdibekov málim etti.

«100 naqty qadam» Ult josparyn júzege asyrý aıasynda jer qatynastar salasyna erekshe kóńil aýdarylady. 2016 jyldyń basynan beri jer qoryn paıdalaný úshin 210,9 myń gektar jer qory aınalymǵa engizildi. Aqtoǵaı, Buqar jyraý, Nura, Qarqaraly aýdandary men Temirtaý jáne Jezqazǵan qalalarynda aýyl sharýashylyǵyna arnalǵan, biraq, paıdalanbaı jatqan jerlerdiń salyǵy 10 esege kóbeıdi», - dep habarlady oblys ákimi.

Sondaı-aq, N.Ábdibekov málim etkendeı, 290 myń gektar aýmaqty alyp jatqan 370 jer ýchaskesi aýktsıonǵa túsedi. Daıyndyq sharalary úshin 25,4 mln teńge bólingen. Jerler osy jyldyń shildesinen bastap satyla bastaıdy.

«Búgingi tańda 5 jer ıgerýshi aýyl sharýashylyǵy maqsatyndaǵy arendalyq jerlerdi jekemenshikke alý týraly ótinish berdi», - dep habarlady ákim.