Pavlodarlyqtar ystyq sý fontandary týraly eskertildi

NUR-SULTAN. QazAqparat – Pavlodar jylý jelilerinde gıdravlıkalyq synaqtardyń ekinshi kezeńi bastaldy, dep habarlaıdy QazAqparat Pavlodarnews.kz aqparat portalyna silteme jasap.

«109» qyzmetiniń málimetinshe, qalanyń Ońtústik jeli aýdanynda jylý jelilerine jóndeý jumystary júrgizilgennen keıin 1-6 tamyz aralyǵynda gıdravlıkalyq synaqtar qaıta bastaldy. Osyndaı synaqtar 6-13 tamyz kúnderi Soltústik jeli aımaǵynda júrgiziledi.

«Testileý kezeńinde qubyrlarǵa joǵary qysym jiberiledi, sondyqtan jylý magıstralinde qubyrlar jarylýy (ystyq sý fontany) bolýy yqtımal. Synaqtardy qaıta júrgizý kezinde anyqtalǵan zaqymdardy «Pavlodar jylý jelileri» JShS men Pavlodar qalasynyń ákimdigi birlesip joıyp otyratyn bolady», - delingen habarlamada.

Kommýnaldyq qyzmet pavlodarlyqtardan sabyr saqtap, úreıge salynbaýyn suraıdy.

Foto: @109.pavlodar