Pavlodarlyqtar Golovkındi qoldap fleshmob ótkizdi

PAVLODAR. QazAqparat - Pavlodarda Rústembek Omarov atyndaǵy qazaq halyq mýzykalyq aspaptar orkestriniń mýzykanttary men mýzyka kolledjiniń stýdentteri qazaqstandyq kásipqoı boksshyny qoldap, vıdeorolıkter túsirdi. Bul týraly pavlodarnews.kz habarlady.

Orkestrdiń mýzykanttary Gennadıı Golovkınniń bir de bir jekpe-jegin jibergen emes.

«Meniń ekinshi mamandyǵym - fıtnes nusqaýshysy. Sportqa jaqyn adam retinde menen fleshmob úshin fıtnes-bı uıymdastyrýǵa shaqyrdy. Men ony naǵyz mýzykalyq baǵdarlama túrinde uıymdastyrǵym keldi. Orkestrmiz ǵoı. Mýzykanttardy G árpi túrinde ornalastyrdyq», - deıdi vıolonchel sheberi ıÝlııa Pýzına.

Baıanshy Juban Ermekbaev aǵylshynnyń tanymal Queen tobynyń We Will Rock You ánin paıdalanýdy, artynsha «Gena, Gena, Champion!» dep aıǵaılaýdy usyndy. Jas mýzykanttardy orkestrdiń bas dırıjeri ári kórkemdik jetekshisi, QR eńbek sińirgen mádenıet qaıratkeri Talǵat Kárimov te qoldady.

«Fleshmobqa 25 adam qatysty. Olar dombyra shertip, qobyz tartady, qylqobyz, shańqobyz, syrnaı, sazsyrnaı, jetigen, vıolonchel, kontrabas jáne soqpaly aspaptarda oınaıdy», - deıdi ıÝ. Pýzına.

Gennadıı Golovkınge mýzyka kolledjiniń 130-dan astam stýdenti de erekshe qoldaý kórsetti. Kolledj dırektorynyń orynbasary Aınur Qarashınanyń aıtýynsha, fleshmobqa oqytýshylar da qatysypty. Olar kolledj aldyndaǵy alańda «G» árpin «jazyp», artynda «júrekshe» túrinde sap túzegen.

Eske sala keteıik, Gennadıı Golovkın Nur-Sultan ýaqytymen 9 maýsym kúni tańerteń Nıý-Iorktegi (AQSh) Madison Square Garden arenasynda kanadalyq Stıv Rollspen aıqasady.