Pavlodarlyqtar Elbasynyń súıikti ánderin aıtty
Merekelik kesh óńirimizde 10 jyl buryn qurylyp, búginde Isa Baızaqov atyndaǵy fılarmonııa quramynda óner kórsetetin «Nur» tobynyń bıimen ashyldy.
Jergilikti jáne otandyq estrada juldyzdarynyń qatysýymen ótken kontsert Nursultan Nazarbaevtyń súıikti ánderin oryndaýmen jalǵasyn tapty. Sahna tórinde «Maraldy», «Aqsısa», «Baıanaýyl-aı», «Nadejda», «Vesna na Zarechnoı ýlıtse», «Staryı klen» syndy ánder shyrqaldy.
Keıbir týyndylardy kórermender úlken ekranda Elbasymen birge oryndady.
Sonymen qatar, Nursultan Nazarbaevtyń sózine jazylǵan Tólegen Muhamedjanov pen Altynbek Qorazbaev syndy belgili qazaqstandyq kompozıtorlardyń shyǵarmashylyǵy qalyń qaýymǵa tartý etildi.
Alǵash ret pavlodarlyqtar QR Mádenıet jáne sport mınıstrliginiń basshylyǵymen qurylǵan astanalyq «Qasıet» mýzykalyq ujymynyń ónerin tamashalady.
Al, Estaı atyndaǵy mádenıet saraıynyń tórinde halyq ártisi, memlekettik premııanyń laýrety, Jambyl atyndaǵy memlekettik qazaq fılarmonııasynyń solısti Nurǵalı Núsipjanovtyń án shyrqaýy kórermenderge tosyn-syı bolyp, joǵary kóńil kúı syılady.
«Sizderdi Tuńǵysh Prezıdent kúnimen quttyqtaý mártebesine ıe bolǵanym úshin qýanyshtymyn. Ár otbasyǵa amandyq pen shattyq, Elbasyǵa densaýlyq tileımin», - dedi halyq ártisi.