Pavlodarlyqtar AQSh pen Japonııaǵa tyrnalar jiberedi

ASTANA. QazAqparat -  Búgin, 9 tamyzda Pavlodar qalasynyń tómengi jaǵalaýynda  saǵat 12.00-den 16.00-ge deıin «Japon mádenıeti» klýby Ekinshi Dúnıejúzilik soǵysy kezinde Nagasakı qalasyndaǵy atom jarylysynan japa shekkenderge arnalǵan is-shara ótkizedi.

Bul týraly jastar bastamalaryn damytý ortalyǵy málim etti, dep habarlaıdy pavlodarnews.kz .

Shara kezinde Hırosıma qalasynda turǵan japon qyzy Sadako Sasakıdiń 1000 orıgamı tyrna jasaý týraly tilegi baıandalatyn hıkaıa aıtylady. - Orıgamımen jumys jasaý barysynda árbir qatysýshy óz qalaýynsha qaǵaz tyrnaǵa tilek jazyp qaldyrýy múmkin. Bul qustardyń jartysy dostyq pen tatýlyqty saqtaý maqsatynda Pavlodar qalasynda ilinse, qalǵan jartysy poshta arqyly AQSh-tyń Sıetl qalasyndaǵy qolynda qaǵaz tyrnany ustap turǵan qyz músini ornalasqan Beıbitshilik saıabaǵyna jiberilmek. 72 jyl buryn oryn alǵan qasiretti pavlodarlyqtar esinen shyǵarǵan emes. Búgingi kúnniń jastary beıbit álemde ómir súrýdi qalaıdy, - deıdi japon mádenıeti klýbynyń belsendisi Damır Bekbaev.

 Osyǵan deıin, 6 tamyz kúni tómengi jaǵalaýda «Japon mádenıeti» klýbynyń qatysýshylary  qaǵazdan aq tyrnalardy jasaý boıynsha sheberlik sabaǵyn ótkizgen bolatyn. Atap ótý kerek, atalmysh klýb aǵymdaǵy jyldyń aqpan aıynda jastar bastamalaryn damytý ortalyǵy negizinde jumysyn bastaǵan.