Pavlodarlyq turǵyndar kommýnaldyq qaryzdan ada - Úkimet otyrysy

ASTANA. 30 sáýir. QazAqparat - Aǵymdaǵy jyldyń sáýirindegi jaǵdaı boıynsha tutynýshylardyń debıtorlyq qaryzy 6,5 mlrd. teńgeni quraıdy.

Bul týraly búgin Úkimet otyrysynda QR Óńirlik damý vıtse-mınıstri Serik Nokın málim etti.

Onyń atap ótýinshe, ótken jyldyń 9 qazanynda Úkimet basshysy S.Ahmetov tapsyrma bergennen keıin ákimdikter debıtorlyq qaryzdy 1,4 mlrd. teńgege nemese 18 paıyzǵa tómendetken. «Pavlodar oblysynyń ákimdigi debıtorlyq qaryzdy tolyq kólemde joısa, Atyraý oblysynyń ákimdigi 95 paıyzǵa tómendetti», - deıdi ol.

Degenmen qaryz elimizdiń 12 óńirinde 1,2 mlrd. teńgeni nemese respýblıka boıynsha jalpy qaryzdyń 19 paıyzyn qurap otyr. Al debıtorlyq qaryzdyń basym bóligi 4 óńirde shoǵyrlanǵan. Atap aıtqanda Almaty qalasy 3,4 mlrd., Astana - 1,1 mlrd., Qostanaı oblysy - 430 mln. jáne Ońtústik Qazaqstan oblysy 321 mln. teńge kommýnaldyq qyzmetke qaryz. «Buǵan qosa Almaty qalasynda qaryz 585 mln. teńgege artyp ketti», - dedi S.Nokın.