Pavlodarlyq oqýshylar Abaı óleńderin 9 tilde jatqa oqydy

PAVLODAR. QazAqparat - Oblys ortalaǵyndaǵy №20 mektep-lıtseıinde «Abaıdy úsh tilde oqımyz» atty aktsııa ótkizildi, dep habarlaıdy pavlodarnews.kz.

«Rýhanı jańǵyrý» baǵdarlamasy aıasynda ótkizilgen is-sharanyń uıymdastyrylýyna Eýrazııalyq Innovatsııalyq ýnıversıteti atsalysty.

Qalalyq bilim berý bólimi habarlaǵandaı, aktsııaǵa 100-den astam pedagog, mektep oqýshylary, ýnıversıtet oqytýshylary men stýdentteri, bilim bóliminiń ókilderi qatysty. - Zertteý bóliminde 8-11 synyp oqýshylarynyń ǵylymı jumystary qorǵaldy, - dep habarlaıdy bilim berý bólimi ókilderi. – Balalar Abaı ómiri men shyǵarmashylyǵy salasyndaǵy ǵylymı zertteýlerdi ǵalymdar nazaryna usyndy. «Abaı – dana, Abaı – dara qazaqta» onlaın olımpıadasyna 8-11 synyp oqýshylary qatysty. Olımpıadanyń suraqtary men tapsyrmalary úsh tilde: memlekettik, orys jáne aǵylshyn tilderinde usynyldy. Qatysýshylar 60 mınýt ishinde suraqtarǵa sheshim izdestirdi.

Ádebı bóliminde «Abaıdy úsh tilde oqımyz» atty baıqaý ótkizildi. Oqýshylar Abaıdyń «Ásempaz bolma árnege», «Qarańǵy túnde taý qalqyp», «Qys», «Senbe jurtqa», «Jalaý», «Jazǵyturym» óleńderin qazaq, orys, aǵylshyn, nemis, koreı, arab, portýgal, ýkraın, tatar tilderinde jatqa oqydy.

«Ashyq mıkrofon» qorytyndy bóliminde pikir almasyp, qatysýshylardy marapattaý boldy. Akterler, ǵalymdar, qoǵam qaıratkerleri lıtseı oqýshylarynyń ıntellektýaldyq qabiletterine joǵary baǵa berip, Abaıdyń shyǵarmashylyǵyn tereń biletindigin atap ótti.