Pavlodarlyq metsenattar stýdentterge eki jataqhana salyp berdi

ASTANA. QazAqparat - Pavlodarlyq metsenattar «Rýhanı jańǵyrý» baǵdarlamasyn júzege asyrýǵa belsendi qatysýdy. Bul týraly búgin Ortalyq kommýnıkatsııalar qyzmetinde ótken baspasóz máslıhatynda Pavlodar oblysynyń ákimi Bolat Baqaýov aıtty, dep habarlaıdy QazAqparat.

«Baǵdarlamany júzege asyrýǵa oblysta bıznes ókilderi belsendi qatysyp jatyr. Osy oraıda, metsenattar esebinen Pavlodar qalasynda kolledj stýdentterine arnalǵan 200 oryndyq eki jataqhana, Qashyr aýdany Lvovka aýylynda 50 oryndyq balabaqsha salynǵanyn atap ótken jón», - dedi oblys ákimi.

Bolat Baqaýovtyń aıtýynsha, bıyldan bastap oblystyń barlyq balabaqshalarynda memlekettik tilde tárbıe berý protsesi qolǵa alynǵan.

«Qazaq tilin latyn álıpbıine aýystyrý» arnaıy jobasy aıasynda Baıanaýyl aýdanynyń Toraıǵyr aýylynda «Til kerýeni» atty jazǵy festıval ótti. Festıvalge oblystyń etnomádenı uıymdary, ózge ult ókilderinen quralǵan muǵalimder men oqýshylar, balabaqsha tárbıeshileri qatysty. Festıval qazaq tilin oqytýmen ǵana shektelmeı, qazaq halqynyń salt-dástúrlerin de keńinen nasıhattaýdy qamtıdy», - dep atap ótti óńir basshysy.

Sondaı-aq, ol «Atameken» kishi baǵdarlamasy aıasynda  «Ertis dýmany», «IZDEU-2018» forýmy, respýblıkalyq «Volonterler forýmy» sııaqty iri jobalar ótkizilgenin aıtyp ótti.