Pavlodarlyq qutqarýshylar óńir ózenderindegi muzdy jarýdan bas tartty

PAVLODAR. QazAqparat - Pavlodarlyq qutqarýshylar oblys ózenderindegi muzdy jarýdyń ornyna ony kesý jumystary júrgizýge uıǵardy, dep habarlaıdy QazAqparat Ravlodarnews.kzsaıtyna silteme jasap.

Bul týraly Óńirlik kommýnıkatsııalar qyzmetinde ótken baspasóz máslıhatynda oblystyq tótenshe jaǵdaılar departamentiniń basshysy Jasulan Jumashev málim etti.
- Ázirge barlyq sý aıdyndaryn muz basqan, degenmen «Qazgıdromet» bıylǵy jyly kún raıy bir aptaǵa erterek jylynatyny týraly boljam jasaǵan. Ózender 9-10 sáýirde ashylady dep kútilýde. Sý tasqynynyń aldyn alý jumystaryn júrgizý boıynsha jedel qutqarý jasaǵy Sholaqsor aýyly mańyndaǵy Sileti ózeniniń jaǵalaýyndaǵy muzdy kesip, bólip jatyr. Ózendegi muzdyń qalyńdyǵy 65 sm-ge jetedi, tereńdigi 1,5-2 metr, jarylys tolqyny aýyldyń jartysyn qamtýy múmkin, - dep túsindirdi Jasulan Jumashev.

Onyń aıtýynsha, muzdy kesýge arnalǵan oryndar jaǵalaýdan kóp jyldar boıy erigen sýdyń aǵýyna baılanysty tańdalady. Kesilgen bólikter usaqtalyp, muzdyń astyna tómen qaraı jiberiledi.
- Jalpy bıylǵy jyly qardyń kúrt erýi kútilýde, bul rette oblys boıynsha topyraqtyń qatýy ortasha eseppen 137 sm, al birqatar óńirlerde: Aqtoǵaı, Baıanaýyl, Jelezın, Sharbaqty jáne Pavlodarda 150 sm-den asady. Bul jaǵdaı sý tasqyny qaýpin arttyra túsetini sózsiz. Ótken jyldardaǵy sý tasqyny kezeńderin taldaý negizinde 10 089 turǵyny bar 35 eldi meken baqylaýǵa alyndy. Ol jerde 2 766 úı ornalasqan, - dedi departament bastyǵy.

Aıta keteıik, erigen qar sýynan 35 eldi mekenniń 17-si, ózenderde sý deńgeıiniń kóterilýinen 12, gıdrotehnıkalyq qurylystardyń zaqymdaný múmkin. Soǵan baılanysty 2 eldi mekendi sý basý qaýpi bar.