Pavlodarlyq kondýktorlarǵa memlekettik tilde qyzmet kórsetý túsindirildi

ASTANA. QazAqparat - Pavlodarda «Tramvaı basqarmasy» AQ-nyń ǵımaratynda Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn iske asyrý sheńberinde «Sanaly qoǵam talaby - sapaly qyzmet» atty semınar ótti.  

Bul týraly oblystyq tilderdi damytý jónindegi basqarmasy  monıtorıng jáne taldaý bóliminiń bas mamany Samat Qushmaǵulov aıtty, dep habarlaıdy pavlodarnews.kz.

«Semınarǵa  «Tramvaı basqarmasy» AQ basqarma tóraǵasynyń orynbasary Qanat Baltabaev pen alpysqa jýyq  júrgizýshi,  kondýktor, baqylaýshy   qatysty», - deıdi  Samat Qushmaǵulov. - Eki tilde qyzmet kórsetý sapasy, latyn grafıkasyna kezeń-kezeńmen kóshý, kórneki aqparattardy ornalastyrý týraly túsindirildi.  QR «Qazaqstan Respýblıkasyndaǵy til týraly» Zań talaptarynyń oryndalýy aıtyldy.  Basqarmanyń ózinde qazaq tili kýrstary júrgiziledi.  2016 jyly «Ana tili» ortalyǵynda «Avtobýs parki» AQ-nyń 15 kondýktory oqytylǵan. Mamannyń  aıtýynsha, bıyl qoǵamdyq kólikterde  memlekettik tilde qyzmet kórsetilmeıtini týraly  birneshe shaǵym kelip túsken. Osyǵan baılanysty basqarma qyzmetkerlerimen kezdesý uıymdastyrylyp, túsindirý jumystary júrgizildi.

 Semınar barysynda zań buzýshylyqqa jol bergen nysan basshylaryna QR Ákimshilik quqyq buzýshylyq týraly zańǵa sáıkes quzyrly organ ókilderi tarapynan tıisti sharalar qoldanylatyndyǵy eskertildi. Shara sońynda barlyq qatysýshylarǵa sózdikter men basqa da oqý-ádistemelik quraldar tabys etildi.  

Foto: pavlodarnews.kz