Pavlodarlyq fermerler zııankestermen juqtyrylǵan Qyrǵyzstan kartobyna shaǵymdandy
«Sońǵy ýaqytta Qyrǵyzstan tarapynan oblys aýmaǵyna karantınge jatqyzylǵan ónimderdi, sonyń ishinde altyn tústes nematodamen juqtyrylǵan kartopty ákelý oqıǵalary jıilep ketti. Kartop egýmen aınalysatyn óńirdiń aýylsharýashylyq óndirýshileri retinde bizdi fıtosanıtarlyq qaýipsizdikpen qamtamasyz etý máselesi qyzyqtyrady», - dedi «Aqtoǵaı-Agro» JShS bas dırektory Aleksandr Terentev Pavlodar oblysynyń ákimdiginde ótken keńes barysynda vıtse-mınıstrge qarata.
Rústem Qurmanov atap ótkendeı, Qazaqstannyń fıtosanıtarlyq qyzmeti karantınge jatqyzylǵan ımportty ónimderdi bastapqy pýnktten, olar tıelgen júk kólikteriniń búkil marshrýtyn qadaǵalaıdy. «Bul jumys EAEO-ǵa sáıkes naqty júrgiziledi. Aǵymdaǵy jyldyń basynan Qyrǵyzstannan kelip jatqan ónimder boıynsha EAEO-nyń fıtosanıtarlyq zańnamasyn buzýdyń 156 deregin anyqtadyq. Bul rette, karantındi nysandarmen juqtyrylǵan ónimderdi anyqtaýdyń 36 faktisi, Qazaqstannyń ǵana emes, EAEO-nyń ózge elderiniń aýyl sharýashylyǵy úshin de sózsiz qaýip tóndiredi», - dedi vıtse-mınıstr.