Pavlodarlyq dombyrashy Golden Time Talent halyqaralyq festıvalinde birinshi oryn enshiledi
Pavlodarlyq Temirlan Oljabaı Ernat Naýryzben dýette Halyqaralyq Golden Time Talent festıvalinde birinshi oryndy jeńip aldy.
- Túrli sanattaǵy grand-fınal onlaın formatta ótti. Mýzykanttar Vıvaldıdiń toptamasynan avtorlyq óńdeýde «Jyl mezgilderi» («Jaz») týyndysyn oınady. Vıdeony Ulybrıtanııa men Qazaqstan komandasy túsirdi, - dep habarlady oblystyq mádenıet, tilderdi damytý jáne muraǵat isi basqarmasynyń bólim basshysy Isataı Hıkmetov.
Baıqaý eki kezeńnen turdy. Birinshi qazaqstandyq dombyrashylar dýeti Qurmanǵazy men Nurǵısa Tilendıevtiń týyndylarynan qazaq kúılerinen popýrrı oınady.
Mýzykanttar áleýmettik jelilerde qýanyshty jańalyqtarymen bólisti.
- Súıinshi! Álemdik Golden Time Talent baıqaýynda birinshi oryn aldyq! Ózimizdiń brıtandyq jáne qazaqstandyq komandalarǵa alǵysymyzdy bildiremiz, - dep jazdy pavlodarlyq Instagram-da. - Biz tek qazaq danyshpandarynyń ǵana emes, álemge áıgili kompozıtorlardyń da shyǵarmalaryn oınadyq.
Jas ártister demeýshiler men prodıýserlersiz bıik jetistikterge jetýde. Temirlan men Ernat - kýrstastar, Qazaq ulttyq óner ýnıversıtetinde oqyp júrgen kezden birge jumys isteı bastaǵan.