Pavlodarlyq balalar Bilim kúni qarsańynda shashyn tegin qyryqtyrady

PAVLODAR. QazAqparat - Pavlodarda kómekke zárý oqýshylarǵa mektep jabdyqtaryn satyp áperý úshin qaıyrymdylyq aktsııalary ótkiziledi, dep habarlaıdy QazAqparat tilshisi.

«25 tamyz kúni Estaı atyndaǵy Mádenıet saraıynda mektep jármeńkesi ótedi. Oǵan pavlodarlyq kásipkerler qatysady. Olar 15-ten 25 paıyzǵa deıin jeńildikter usynady»,-deıdi Pavlodar qalalyq bilim bóliminiń sektor meńgerýshisi Aıgúl Tólektemirova.

Respýblıkalyq «Mektepke jol» aýqymdy aktsııasynyń alǵa qoıǵan maqsaty - az qamtylǵan, kópbalaly otbasylardyń balalaryna, jetim jáne ata-ana qamqorlyǵynsyz qalǵan balalarǵa materıaldyq jáne qarjylyq kómek kórsetý.

«22 tamyzda «Manaqbaı» jáne «Kvazar» saýda úılerinde mektep jabdyqtaryn jınastyrý úshin qaıyrymdylyq jáshikteri ornatylady»,-dedi Aıgúl Tólektemirova.

Odan bólek, «Qaıyrymdylyq jasa» aktsııasynyń aıasynda jańa oqý jyly qarsańynda áleýmettik qorǵalmaǵan otbasynyń 30 balasy sulýlyq salonyna baryp, shashyn tegin qyryqtyra alady. Pavlodar qalasynyń mańyndaǵy aýyl balalary úshin «Aýyl balasyna mektepke syılyq» aktsııasy uıymdastyrylady. Sonyń arqasynda Lenınskıı, Jetekshi, Kenjekól jáne Pavlodarskoe aýyldarynyń az qamtylǵan otbasy balalaryna kómek kórsetiledi.