Pavlodarlyq alǵashqy egizder SMS arqyly balabaqsha kezegine turdy

ASTANA. QazAqparat - Halyqqa qyzmet kórsetý ortalyǵynyń qyzmetkerleri Pavlodar perıntaldyq ortalyǵyndaǵy egizderdiń anasy Merýert Nurǵazınovaǵa týý týraly kýálikterin tabys etti, dep habarlaıdy pavlodarnews.

Álıhan men Ámirhannyń anasyna olardyń týǵan kúni balalardyń týǵanyn tirkeý usynysymen quttyqtaý SMS habarlamasy keldi. 1414 qysqa nómirden kelgen barlyq suraqtarǵa jaýap bergen soń, Merýert Nurǵazınovaǵa kýáliktiń daıyn bolǵandyǵy men ony alýǵa bolatyny jóninde habarlama tústi.

Budan keıin proaktıvti memlekettik qyzmet arqyly Merýert balalardy balabaqshaǵa kezekke qoıdy. Sonymen qatar, jas anaǵa balanyń týýy men bala kútimine baılanysty járdemaqy resimdeýge baılanysty kelesi kezeńnen ótý qajet bolady.

Halyqqa qyzmet kórsetý ortalyǵynyń qyzmetkerleri Merýertke jáne onyń sábılerine myqty densaýlyq jáne proaktıvti úlgide qyzmetterdi alyp, ýaqyt talabynan qalmaı ilesýdi jalǵastyrýdy tiledi.

Qazirgi tańda Pavlodar oblysy boıynsha proaktıvti úlgide týý týraly kýálikti jeti ata-ana alǵan.