Pavlodarlyqtarǵa jyl basynan beri 870 mln teńgeden astam aıyppul salyndy

<p>PAVLODAR. KAZINFORM - Pavlodarlyq polıtseıler jyl basynan 102 myńnan astam ákimshilik quqyq buzýshylyqtyń jolyn kesti. Olarǵa jalpy somasy 870 mıllıon teńgeden astam aıyppul salyndy.</p>

Bul týraly Pavlodar oblysy polıtsııa departamentiniń baspasóz qyzmetinen habarlady.

«Tek jol qaýipsizdigin buzǵany úshin 66 572-den astam quqyq buzýshynyń, onyń ishinde mas kúıinde kólik quraldaryn júrgizgeni úshin 768 júrgizýshiniń joly kesildi. Sottar 595 júrgizýshini kólik quraldaryn júrgizý quqyǵynan aıyrdy,-dep málimdedi baspasóz qyzmeti. 

Jyl basynan «Orakýl», «Kıber-Sherıf», «ZEREK-2» AÓK statsıonarlyq jyldamdyq ólshegishteri 324 mln teńgeden astam somaǵa 22 myń 372 uıǵarym tirkegen. Shamamen 16 mln teńge somaǵa ótken jyldardaǵy aıyppuldar óndirildi.

Eske sala keteıik, Pavlodarlyq polıtseıler jurtty aldap kelgen páter alaıaǵyn qolǵa túsirdi.