Pavlodarlyq júrgizýshiler «001» nómirin 1 mln teńgege satyp alyp jatyr

<p>PAVLODAR. KAZINFORM - Óńirde &laquo;001&raquo;, &laquo;007&raquo; nómirlerin bir mıllıon teńgege satyp alýǵa bolady. Jyl basynan beri Pavlodar oblysynyń avtokólik ıeleri &laquo;ádemi&raquo; nómirlerge 223 mıllıon 717 teńge jumsady.&nbsp;</p>

Bul týraly «Azamattarǵa arnalǵan úkimet» memlekettik korporatsııasy» Pavlodar oblysy boıynsha fılıalynyń dırektory Asylbek Saparbekuly habarlady.

Foto: Pavlodar oblysy Óńirlik kommýnıkatsııalar qyzmeti

- Klıentter mamandandyrylǵan halyqqa qyzmet kórsetý ortalyqtarynda usynylǵan nómirlerden tańdaý jasaı alady nemese nómirge óz qalaýy boıynsha tapsyrys bere alady. Júrgizýshiler eń ádemi «001», «007» nómirlerin bir mıllıon teńgege satyp alǵan. Kólik quraly satylǵan jaǵdaıda klıent nómirdi mamandandyrylǵan HQKO-da óz atyna qaldyrýǵa quqyly. Qyzmet baǵasy – 10 000 teńge. Eger azamat qalypty nómirdi saqtaýǵa qaldyrýdy sheshse, onda alty aıdan keıin nómir kádege jaratýǵa jatady. Al VIP nómir eskirý merziminsiz saqtalady,-deıdi fılıal basshysy.

Qazirgi ýaqytta avtokólik ıesi úshin júrgizýshi kýáligin aýystyrý qyzmeti de qoljetimdi. Ótinishti qosymsha arqyly berýge jáne bir saǵat ishinde mamandandyrylǵan HQKO-da daıyn júrgizýshi kýáligin alýǵa bolady. Avtokólikti satyp alý jáne resimdeý kezinde árbir azamat avtokólikke memlekettik tirkeý nómirin alýǵa mindetti

Eske sala keteıik, Kólikti tehnıkalyq tekserý salasynda ózgeris engizilmek.