Pavlodarlyq polıtseıler sheteldikti elden májbúrlep shyǵardy

<p>PAVLODAR. KAZINFORM - Tájikstan azamaty Pavlodardaǵy qurylys nysandarynyń birinde zańsyz jumys istegen. Buǵan qosa onyń ótken jyly isti bolyp, sot talabyn oryndamaı kelgeni de&nbsp; anyqtaldy.</p>

Tájikstan eliniń azamaty 2023 jyldyń maýsym aıynda Astana qalasynyń ákimshilik quqyq buzýshylyq jónindegi mamandandyrylǵan sotynyń sheshimi boıynsha kináli dep tanylǵan. Alaıda ol sot sheshimin oryndamaı, jaltaryp kelgen

«Elordalyq sotta Qazaqstan Respýblıkasynan tys jerge shyǵaryp jiberý týraly sheshim shyqqan bolatyn. Alaıda atalǵan azamat bir jyl boıy sot sheshiminen jaltaryp, el aýmaǵynan shyǵaryp jiberý týraly sot sheshimin oryndamady. Osy jyldyń 28 mamyrynda týǵan jerine oralý týraly kýálik alý úshin Astanadaǵy Tájikstan elshiligine júgingen. Qajetti rásimder júrgizilgennen keıin ol shekara qyzmetkerlerine berildi», - dep habarlady Pavlodar oblysy Polıtsııa departamenti kóshi-qon qyzmetiniń bastyǵy Dáýlet Ysqaqov.

Sheteldik azamat Tájikstan Respýblıkasyna májbúrlikpen shyǵaryldy.

Eske sala keteıik, Almatyda jezókshelikpen aınalysqan 7 sheteldik ustaldy.