Pavlodarlyq polıtseıler kóligi buzylyp, jolda qalǵan azamatqa kómektesti

<p>Baqyt Quspekovtyń kóligi Ekibastuzǵa deıin 60 shaqyrym jetpeı isten shyqqan, dep habarlaıdy <a href="https://www.inform.kz/?_gl=1*1y9yvbf*_ga*MTQ5NjUxODU0OS4xNjc3MTQ5MTQy*_ga_Y44SMVECD5*MTcwNDU3MTUzMi42OTEuMS4xNzA0NTczNTExLjYwLjAuMA..&amp;pk_vid=300c61a6e20cef4f1704573585b83076" target="_blank" rel="noopener">Kazinform</a> <a href="https://pavlodarnews.kz/pavlodarli%D2%9B-politseyler-k%D3%A9l%D1%96g%D1%96-sin%D2%93an-azamat%D2%9Ba-k%D3%A9mektest%D1%96" target="_blank" rel="noopener">Pavlodarnews.kz</a>-ke silteme jasap.</p>

Oblystyq polıtsııa departamenti baspasóz qyzmetiniń málimetinshe, júrgizýshi Astanadan Óskemen qalasyna úıine bara jatqan. Shiderti aýylynan 5 km qashyqtyqta Daewoo Nexia avtokóligi buzylyp qalǵan. Ol aldymen kólikti ózi jóndeýge tyrysqan, biraq kóligi iske qosylmaǵan, elektr bóliginde aqaý bolǵan. Kómek suraý úshin jolda júrip bara jatqan kólikterdi toqtata bastaǵan, biraq eshkim toqtamaǵan. Osydan keıin 102 operatoryna qońyraý shalyp, ornalasqan jerin aıtqannan keıin 20 mınýttan soń polıtsııa qyzmetkerleri kómekke kelgen.

– Biz synǵan kólikti trosqa alyp, Ekibastuzǵa KQKS-ne súırep apardyq. Ol úıge aman-esen jetkenshe onymen baılanysta boldyq. Jol boıynda turyp qalǵan avtokólik ıelerine kómek kórsetý – polıtsııa qyzmetindegi mindetimizdiń biri. Kóbinese júrgizýshilerge aıaz ben boranda kómek qajet, – deıdi Pavlodar oblysy Shiderti kenti polıtsııa bóliminiń bastyǵy Qýandyq Rahmetov.

Tártip saqshylary qystyń basynan beri 10 júrgizýshige kómek kórsetken, bireýdiń dızel otyny qatyp qalǵan, kóliktiń júris bóligi, elektr bóligi jáne t.b. isten shyqqan.

Baqyt Quspekov qıyn sátte kómektesken polıtseılerge alǵys bildirip, vıdeoúndeý joldady.