Pavlodarlyq polıtseı jolda tońyp qalǵan 60 shetel azamatyn qutqardy

<p>PAVLODAR. KAZINFORM &mdash; Pavlodar &mdash; Ýspen avtojolyn patrýldeý kezinde ýchaskelik polıtseı jol jıeginde turǵan avtobýsty baıqaǵan. Belgili bolǵandaı, kólik quraly jolda buzylyp, shamamen úsh saǵat boıy turyp qalǵan.&nbsp;</p>

Pavlodarlyq ýchaskelik polıtseı Baýyrjan Bıdaev jolda tońyp qalǵan shetel azamattaryn qutqardy.

Onyń aıtýynsha, kólik quralynyń salonynda Tájikstan eliniń 60 azamaty bolǵan. Onyń 10-y — bala.

Foto: Pavlodar oblysy polıtsııa departamenti

— Balalar arasynda sábıler de boldy. Barlyǵy ábden tońyp qalǵany baıqaldy. Jolda ótip bara jatqan ózge kólikter bolǵan joq. Sondyqtan, ýaqytty joǵaltpaı, balalar men áıelderdi Rozov aýyldyq mádenıet úıine qyzmettik kólikpen tasymaldaı bastadym. Al er adamdarǵa jol kórsetip, olar jaıaý júrdi. Barlyǵyn ornalastyryp, azyq-túlikpen qamtamasyz ettik. Keıin bolǵan oqıǵa týraly polıtsııa bóliminiń kezekshi bólimine habarlandy, — deıdi Pavlodar aýdandyq polıtsııa bóliminiń ýchaskelik ınspektory Baýyrjan Bıdaev.

Jolaýshylardyń biri Abdýllohtyń aıtýynsha, avtobýs Reseıdiń Novosibir qalasynan Tájikstan Respýblıkasyna jolǵa shyqqan. Saǵat túngi 23.00 shamasynda avtobýs buzylady. Júrgizýshi qarap shyqqanymen, aqaý sebebin sebebin taba almaǵan.

«Men jolda bizge kómektesken polıtsııa qyzmetkerine rızamyn. Bizdiń avtobýs shamamen úsh saǵat sýyqta turdy. Jolaýshylar ábden jaýrap, balalar jylaı bastady. Ótip bara jatqan kólik bolmady. Túngi saǵat 02.00 shamasynda polıtsııa qyzmetkeri keldi. Sebebin bilip, birden sheshim qabyldap, áıelder men balalardy tasymaldaı bastady. Ol eki araǵa 4 nemese 5 reıs jasady. Al er adamdarǵa aýylǵa qalaı ótý kerektigin kórsetti. Mádenıet úıinde jylynyp otyrǵanymyzda Baýyrjan bizge azyq-túlik ákeldi. Biz oǵan beı-jaı qaramaǵany úshin óte rızamyz, — dep alǵysyn jetkizdi jolaýshy.

Eske salsaq, buǵan deıin shetel azamaty qyzyn tabýǵa kómektesken Ulttyq ulannyń qyzmetkerlerine alǵys aıtty.