Pavlodarlyq órt sóndirýshiler janyp jatqan úıden ana men balany aman alyp shyqty

<p>PAVLODAR. KAZINFORM &ndash; Órt kópqabatty úıdiń segizinshi qabatynda bolǵan. Páterdiń balkonynda turǵan jıhaz ben zattar janyp, qoıý tútinnen ózge páterlerdiń turǵyndary tunshyqqan.&nbsp;</p>

Bul týraly Óńirlik tótenshe jaǵdaılar departamentinen habarlady.

– Búgin saǵat 15.56-da «101» pýltine Pavlodar qalasyndaǵy Bekhojın kóshesinde ornalasqan 10 qabatty úıdiń 8-shi qabatynda balkonnyń janyp jatqany týraly habarlama kelip tústi. Oqıǵa ornyna barǵan órt sóndirý bólimsheleri 4 sharshy metr alańda úı zattary men jıhazdyń janyp jatqanyn anyqtady. Qyzmetkerlerimiz 7-shi qabattaǵy páterden tútinge tunshyǵa jazdaǵan 1987 jylǵy ana men 2020 jyly týǵan balany aman alyp shyqty. Qurbandar men zardap shekkender joq. Órt saǵat 16.18-de tolyqtaı joıyldy, - dep málimdedi departamentten.

Qutqarýshylar balany tómenge alyp túsý úshin «Fenıst» qutqarý qurylǵysyn qoldanǵan. Ana men balaǵa dárigerlik kómek qajet bolmaǵan.

Órt sóndirý men qutqarý jumystaryna tótenshe jaǵdaı departamentiniń 36 qyzmetkeri jáne 10 tehnıka jumyldyryldy.

TJD jeke quramynyń 36 adamy men 10 birlik tehnıkasy, JQJ, AMO jumyldyryldy.

Eske sala keteıik, Batys Qazaqstanda 1 myń gektar aýmaqta shóp órtendi.