Pavlodarlyq órt sóndirýshiler janyp jatqan úıden 6 adamdy alyp shyqty

<p>PAVLODAR. KAZINFORM - Onyń úsheýi - bala. Órtten zardap shekkender joq.</p>

Bul týraly óńirlik Tótenshe jaǵdaılar departamentiniń baspasóz qyzmeti habarlady.

«Búgin saǵat 14:15–te Pavlodardaǵy kópqabatty turǵyn úıdiń birinshi qabatyndaǵy páterdiń órtengeni týraly habarlama kelip tústi.

Jedel qutqarý jasaǵy páter terezesiniń metall torlaryn buzyp, sol jerden 2 eresek adamdy qutqardy, sondaı-aq 3 adam, onyń ishinde 2 bala evakýatsııalandy. 8 adam óz betinshe dalaǵa shyǵyp úlgergen. Ornatylǵan avtosaty boıynsha 5-qabattan bir qyz qutqaryldy» dep málimdedi baspasóz qyzmetinen.

Órt saǵat 14:39–da sóndirilgen, adam shyǵyny men zardap shekkender joq. Tilsiz jaýdy aýyzdyqtaý úshin jeke quramnyń 25 adamy jáne 9 tehnıkasy, sondaı-aq JQJ jáne AMO qyzmetkerleri jumyldyrylǵan.