Pavlodarlyq oqýshy Pensılvanııa ýnıversıtetiniń grantyn ıelendi

<p>PAVLODAR. KAZINFORM - Nazarbaev Zııatkerlik mektebiniń 12 synyp oqýshysy Danııa Artyqbaeva &laquo;Shyrmaýyq lıgasy&raquo; boıynsha University of Pennsylvania-nyń tolyq grantyn ıelendi.&nbsp; Bul jobaǵa jylyna álem boıynsha tek 25 adam iligedi.</p>

Shákirt AQSh-tyń Pensılvanııa ýnıversıtetine birden eki mamandyqqa túsýge múmkindik alyp, bolashaqta qos dıplom ıegeri atanbaq. Ol Qazaqstan boıynsha alǵashqy bolyp Wharton bıznes-mektebine jáne ǵylym baǵyty boıynsha Life Sciences and Management baǵdarlamasyna joldama aldy. Bul joba boıynsha jylyna tek 25 adam oqýǵa qabyldanady.

Danııa Artyqbaeva 7 synyptan bıologııa pánine qyzyǵýshylyǵy artyp, túrli olımpıada men ǵylymı jobalarǵa qatysqan. Oqýshy buǵan deıin FLEX baǵdarlamasynyń fınalısi atanyp, AQSh orta mektebinde bir jyl bilim alǵan. Bul sapar oǵan aǵylshyn tilin bilý deńgeıiniń artýyna, dúnıetanymynyń keńeıýine, ondaǵy halyqtyń turmys-tirshiligimen tanysýyna septigin tıgizdi. Oqýshynyń aıtýynsha, UPenn bıznestiń qyr-syryn meńgerýge baǵyttalǵan.

- Men úshin bul ýnıversıtetke túsý alynbaıtyn qamaldaı bolǵany ras. Óıtkeni Pensılvanııa ýnıversıteti oqýǵa ótinim beretinderdiń 5-6 paıyzyn ǵana oqýǵa alady. Álemniń beldi joǵary oqý ornynda bilim alatynymdy estigende qýanyshym qoınyma syımady, - dedi ol.

Eske sala keteıik, astanalyq oqýshylar aqyldy robot jasap shyǵardy.