Pavlodarlyq lýdoman psıhıkalyq aýytqýy bar qyzdyń atyna nesıe rásimdegen

<p>PAVLODAR. KAZINFORM &mdash; Barlyq qarajatty qaryz shotyna jáne býkmekerlik keńselerge aýdarǵan. Oǵan qosa jábirlenýshiniń 79 myń teńge járdemaqysyn alyp qoıǵan.</p>

Pavlodarda psıhıkalyq aýytqýy bar qyzdy arbap, onyń atyna jalpy somasy 1 mln teńgeden astam nesıe rásimdegen lýdoman ustaldy.

Qumar oıynǵa qumartýshy turǵyn úıdiń aýlasynda psıhıkalyq aýytqýy bar qyzben tanysyp, ony paıdalanyp ketken. Jábirlenýshini sýretke túsirip, mıkroqarjy uıymdarynan qyzdyń atynan 800 myń teńgege jýyq nesıe rásimdegen. Barlyq qarajatty qaryz shotyna jáne býkmekerlik keńselerge aýdarǵan. 

«Kúdikti onymen toqtamaı qyzdyń atyna tehnıka dúkeninen 350 myń teńge turatyn uıaly telefondy nesıege rásimdegen. Jábirlenýshiniń 79 myń teńge járdemaqysyn óziniń kartasyna aýdaryp, ketip qalǵan. Qyz budan soń polıtsııaǵa júgindi. Alaıaqtyq jáne urlyq faktileri boıynsha sotqa deıingi tergeý júrgizilip jatyr», dep habarlady Pavlodar oblysy polıtsııa departamentiniń baspasóz qyzmetinen.

Qazir tergeý amaldary júrip jatyr, kúdiktige úıqamaq túrindegi bultartpaý sharasy qoldanyldy. Polıtsııanyń dereginshe, jyl basynan óńirde 400-den astam alaıaqtyq faktileri tirkelgen.