Pavlodarlyq kommýnalshylar qystyń sýyǵynda asfalt jamaýǵa kirispek

<p>PAVLODAR. KAZINFORM - Kommýnaldyq qyzmetter MAS asfaltbetondy tóseý tehnologııasyn qoldanbaqshy. Bul ádis -10 gradýs sýyqta asfaltty jamaýǵa múmkindik beredi.</p>

Pavlodar qalasy ákiminiń baspasóz qyzmeti habarlaǵandaı, 2 aqpannan bastap kommýnaldyq qyzmetter kóshelerdegi qaýipsizdikti qamtamasyz etý maqsatynda oı-shuńqyrlardy jóndeýge kirisedi.

«Bul jumystar úshin -10 gradýsqa deıin tómen temperatýrada paıdalanýǵa ruqsat etilgen MAS asfaltbetondy tóseý tehnologııasy qoldanylady. Turǵyn úı kommýnaldyq sharýashylyǵy bóliminiń mamandary jol jabyndysynyń jaǵdaıyna monıtorıng júrgizip jatyr. Eń áýeli kóbirek zaqymdalǵan, úlken shuńqyrlar anyqtalǵan aýmaqtar jóndeledi» dep málimdedi ákimniń baspasóz qyzmetinen.

Kommýnaldyq qyzmetter úlken shuńqyrlardy jóndeýdiń negizgi jumystaryna nólden joǵary temperatýranyń bastalýymen kirisedi.