Pavlodarlyq kásipkerlerge jyl basynan 105 jer telimi berilgen

<p>PAVLODAR. KAZINFORM &ndash; Jyl basynan beri Pavlodar oblysynyń qalalary men aýdandarynyń ákimdikteri 35 aýktsıon ótkizgen. Barlyǵy 240 mıllıon teńgeden astam qarjyǵa, jalpy aýmaǵy 190 gektar bolatyn 105 jer telimi berilgen.</p>

Pavlodar oblysynda jerlerdi kommertsııalyq maqsatta paıdalanýǵa berý jumystary jalǵasyp jatyr. 

Óńirlik jer qatynastary basqarmasynyń basshysy Murat Hamıtov eldi mekenderdegi jerlerge kásipkerlerdi ornalastyrýdyń ózindik tártibi bary ekenin jetkizdi. 

- Memlekettik múlik tiziliminiń www.sauda.e-qazyna.kz veb-portalynda tirkelgen, qalalar men aýyldar ishindegi jer telimderi áli de aýktsıon arqyly beriledi. Aýktsıon aǵylshyn ádisimen, ıaǵnı baǵany kóterýmen ótip jatyr. Jeńimpazdy anyqtaýdyń basty ólshemi – qatysýshylar usynǵan baǵa. Jyl basynan beri oblys qalalary men aýdandarynyń ákimdikteri 35 aýktsıon ótkizdi. Barlyǵy 240 mıllıon teńgeden astam qarjyǵa jalpy aýmaǵy 190 gektar bolatyn 105 jer telimi berildi,-dep habarlady Murat Hamıtov.

Eske sala keteıik, Paıdaly qazbalardy óndirýshi kompanııa Baıanaýyldaǵy jerdi óz betinshe ıelenip alǵan.