Pavlodarlyq balabaqshalarǵa azyq ónimderi 300% qymbatqa jetkizilip turǵan

<p>PAVLODAR. KAZINFORM &mdash; Qarjylyq monıtorıng agenttigi Pavlodar oblysynyń mektepke deıingi mekemelerinde áleýmettik mańyzǵa ıe taýarlardyń baǵasyn negizsiz qymbattatý faktileriniń jolyn kesti. Júrgizilgen monıtorıng barysynda óńirdegi 158 mektepke deıingi mekemeniń 108-ine bir JShS negizgi jetkizýshi bolǵany anyqtaldy.</p>

Pavlodarlyq balabaqshalarǵa azyq ónimderi 300% qymbatqa jetkizilip turǵan.

— Mektepke deıingi mekemelermen (balabaqshalarmen) jasalǵan sharttarda óndirýshi zaýytynan alǵan baǵadan áleýmettik mańyzǵa ıe taýarlardyń (ÁMAT) túpkilikti tutynýshysyna deıingi baǵa aıyrmashylyǵy kelesideı bolǵan: kúnbaǵys maıy — 286% ústemaqymen (453 tg/l-den 1300 tg/l deıin), qaraqumyq jarmasy-150% (240 tg/kg-nan 600 tg/kg deıin), qant — 93% (325 tg/kg-nan 630 tg/kg deıin), taýyq jumyrtqasy-79% (430 tg/ond-tan 770 tg/ond deıin), tuz-66% (60 tg/kg-nan 100 tg/kg deıin), kúrish — 36% (490 tg/kg-nan 670 tg/kg deıin), sary maı — 22% (2075 tg/kg-nan 2550 tg/kg deıin).

Agenttik qabyldaǵan sharalardyń nátıjesinde atalǵan JShS ákimshilik jaýapkershilikke tartyldy.

Jetkizýshimen jasalǵan sharttar kúshin joıdy. Qazirgi ýaqytta mektepke deıingi mekemelerde ÁMAT jetkizý sharttary qaıta qaralyp, jańa kelisimsharttar jasasý máselesi qaralyp jatyr. Osylaısha únemdelgen qarajat somasy 30 mln teńgeni qurady, -dep habarlady QR Qarjylyq monıtorıng agenttigi.

ÁMAT taýarlaryna baǵa belgileýdiń deldaldyq shemalaryn tergeý jónindegi óńirlik komıssııalar sheńberinde Agenttik bıýdjettik uıymdarǵa jetkiziletin azyq-túlik baǵasyna júıeli túrde monıtorıng júrgizip otyr.

Buǵan deıin Qazaqstannyń ár óńirinde 1 bólmeli páterdi jalǵa alý baǵasy qansha turatynyn saraptap kórgen edik.