Pavlodarlyq ana shaı qorabyna aqsha jasyryp, kolonııadaǵy ulyna ótkizbek bolǵan

<p>PAVLODAR. KAZINFORM - Jergilikti №45 kolonııa mekemesiniń qyzmetkerleri ulymen uzaq ýaqytqa kezdesýge kelgen áıeldi ustady. Ol shaı qorabyna aqsha jasyryp, kolonııaǵa ótkizbek bolǵan. Bul týraly Polisia.kz habarlady.</p>

Zańsyz áreket jasaǵan áıelge qatysty ákimshilik hattama toltyryldy. Oǵan qandaı jaza taǵaıyndalatynyn sot sheshetin bolady. Buǵan qosa ol ulymen kezdesýden bir jylǵa quqyǵynan aıyryldy.

«Bizdiń mekeme qyzmetkerleri jazasyn óteýshilermen jáne olarǵa keletin týystarymen únemi túsindirý jumystaryn júrgizedi. Mekemege neni alyp kelýge bolatynyn jáne qandaı zattarǵa tyıym salynǵanyn eskertip otyramyz. Osyǵan qaramastan sottalýshylardyń keıbir týystary men dostary tyıym salynǵan zattardy kolonııaǵa jasyryn túrde ótkizýge tyrysady. Mundaı áreket jasaǵandar jazasyz qalmaıdy», - deıdi mekeme bastyǵy Qýanysh Qoıshybaev.

Eske sala keteıik, tanymal vaıner Meıirjan Tórebaev Pavlodardaǵy kolonııaǵa qaıtyp bardy.