Pavlodarlyq aǵaıyndylar er azamattyń moınyna gır tasyn baılap, ózenge batyryp jibergen

<p>PAVLODAR. KAZINFORM - Aǵaıyndy azamattar aldyn ala sóz baılasyp, adam óltirgen jáne úıinde zańsyz oq-dárilerdi saqtap kelgen. Sot olarǵa&nbsp; 15 jáne 16 jylǵa bas bostandyǵynan aıyrý jazalaryn taǵaıyndady.</p>

Pavlodar oblysy qylmystyq ister jónindegi mamandandyrylǵan aýdanaralyq soty aǵaıyndy K.A. men K.D-ǵa qatysty aldyn ala sóz baılasý arqyly paıdakúnemdik nıetpen adam óltirý jáne zańsyz oq-dárilerdi ıemdený jáne saqtaý boıynsha qylmystyq isti qarady.

«Aǵaıyndy K., jábirlenýshi J.-dan satyp alynǵan úıdiń qunyn tólemeýdi uıǵarǵan. Sóıtip aldyn ala sóz baılasa otyryp paıdakúnemdik nıetpen álgi azamatty óltirýdi oılastyrǵan. Ony Jelezın aýdany Pıaterıjsk aýylyndaǵy ózen ótkeline aparyp, qolyn býyp, denesine salmaǵy 16 kılogramm gır tasyn baılap, sýǵa batyryp jibergen. Sonymen qatar K.A.-nyń úıin tintý kezinde starttyq tapansha men atys oqtary tabyldy», - dep habarlady oblystyq sottyń baspasóz qyzmetinen.

Sot K.A.-ǵa qylmystardyń jıyntyǵy boıynsha 16 jyl bas bostandyǵynan aıyrý túrindegi jazany belgilese, al K.D.-ny 15 jyl merzimge temir tordyń ar jaǵyna jóneltti.

Úkim zańdy kúshine engen joq.

Eske sala keteıik, sot oryndaýshylary qyzmetiniń 80 paıyzdan astamy elektrondy formatta atqarylady.