Pavlodardyń ekologııasyn jaqsartý maqsatynda kásiporyndar 73 mlrd teńge ınvestıtsııa quıdy

ASTANA. QazAqparat – Tabıǵatty qorǵaý is-sharalaryn oryndaý aıasynda oblys kásiporyndary 5 jyl ishinde 73 mlrd teńge ınvestıtsııalady. Óńir turǵyndarymen kezdesken Ekologııa, geologııa jáne tabıǵı resýrstar mınıstri Serikqalı Brekeshev osylaı málimdedi, dep habarlaıdy QazAqparat tilshisi.

«Pavlodar oblysynda ekologııalyq jaǵdaıdy jaqsartý maqsatynda 33 is-sharadan turatyn Jol kartasy qabyldandy. Onyń basym bóligin ónerkásiptik kásiporyndar iske asyrady. Máselen, tabıǵatty qorǵaý is-sharalaryn oryndaý aıasynda oblys kásiporyndary 5 jyl ishinde 73 mlrd teńge ınvestıtsııalady. Atap aıtqanda, Eýrazııalyq toptyń kásiporyndary 2030 jylǵa deıingi Ekologııalyq strategııany iske asyrý sheńberinde «Qazaqstan alıýmınııi» aktsıonerlik qoǵamy 2020-2021 jyldary eki súzgini rekonstrýktsııalady, bul shań shyǵaryndylaryn jylyna 2,5 myń tonnaǵa tómendetýge múmkindik berdi», - dedi Serikqalı Brekeshev.

Mınıstr Pavlodar JEO-da kúl ustaıtyn qondyrǵylardy kezeń-kezeńimen rekonstrýktsııalaý josparlanǵanyna toqtaldy. Al Aqsý ferroqorytpa zaýytyndaǵy peshterdiń gaz tazartqyshyndaǵy 7 qapshyq aýystyrylǵan. Onyń atap ótýinshe, 1-shi jáne 2-shi Ekibastuz memlekettik aýdandyq elektr stantsııasynda da naqty jumystar júrgizilýde.