Pavlodardyń bıylǵy jazdy masasyz ótkerip jatqany ǵalymdardyń arqasy – oblys ákimi
«Bıyl Pavlodarda jyldaǵydaı masa joq. Bul qalaı boldy? Siz durys tapsyrma bere aldyńyz ba, álde basqa qupııasy bar ma», - dep surady BAQ ókili Ortalyq kommýnıkatsııalar qyzmetinde ótken brıfıngide.
Ákimniń aıtýynsha, ǵalymdar jaýapty organdarǵa durys nusqaý bere bilgen.
«Shyn máninde masanyń taralýyna yqpal etetin faktor óte kóp. Kún raıy da, dárini ýaqytynda shashý da mańyzdy. Dıqandardyń «Jazdyń bir kúni – qystyń myń kún» deıtin sózi bar emes pe?! ıAǵnı, bir kún qapy qalsa, búkil maýsym zaıa ketedi. Masa máselesinde de osyndaı algorıtm kerek. Bir kúndi de bos ketirip alýǵa bolmaıdy. Sondaı durys tapsyrma berý mańyzdy. Bul jerde ǵalymdardyń saýattylyǵy sheshýi faktor boldy», - dedi ol.
Onyń sózine qaraǵanda, buǵan deıin masaǵa qarsy dári áýeden 27 myń gektar alqapqa ǵana shashylyp kelgen. Al bıyl masanyń kóbeıýine qolaıly dep esepteletin 71 myń gektardan astam alqapqa dári sebilgen.
«Sondaı-aq, biz alǵash ret Ertistiń arnasyn ǵana emes, salalaryn da dáriledik», - dedi Asaıyn Baıhanov.