Pavlodardyń jeke sektorynda úı men qazandyq órtendi

<p>PAVLODAR. KAZINFORM - Órttiń jalpy aýmaǵy 80 sharshy metrdi quraǵan. Tilsiz jaýdy aýyzdyqtaýǵa 33 qutqarýshy men 7 tehnıka jumyldyryldy.</p>

Bul týraly óńirlik Tótenshe jaǵdaılar departamentiniń baspasóz qyzmeti habarlady.

"20 naýryz kúni saǵat 03:41-de Pavlodar qalasyndaǵy Bolnıchnyı kóshesiniń qıylysynda ornalasqan úıde órt shyqqany týraly habarlama tústi. Oqıǵa ornyna jedel túrde órt sóndirýshiler jiberildi. 4 bólmeli kirpish úıdiń aǵash shatyry jáne ǵımaratqa japsarlas salynǵan qazandyqtyń tóbe taqtaılary otqa oranǵandyǵy anyqtaldy. Órttiń jalpy aýdany 80 sharshy metrdi qurady. Saǵat 05:06-de órt tolyqtaı sóndirildi", - dep málimdedi baspasóz qyzmetinen.

Tilsiz jaýdan zardap shekkender joq. Aldyn ala boljam boıynsha, órt peshti paıdalaný kezindegi órt qaýipsizdigi erejelerin saqtamaý saldarynan bolǵan.