Pavlodardyń shalǵaı aýylynda qyzǵaldaq ósiretin jylyjaı ashyldy
09:58, 29 Aqpan 2024
<p>PAVLODAR. KAZINFORM – Kásipker 300 sharshy metr aýmaqta qyzǵaldaq gúlderin ósirip, alǵashqy ónimin alyp úlgerdi. Bul – oblystyń aýyldyq jerinde tuńǵysh ashylǵan jylyjaı. Bul týraly Aqtoǵaı aýdany ákimdiginen habarlady.</p>
«Qaraoba aýylyndaǵy «Kereký Flaýrs» JShS jylyjaı sharýashylyǵyn quryp, gúl ósirýdi qolǵa aldy. 300 sharshy metrdi quraıtyn jylyjaıda alǵashqy ónim ósip shyqty. Bul – aýdanymyz boıynsha mundaı baǵyttaǵy alǵashqy joba», - dep habarlady ákimdikten.
Jobany júzege asyrý arqyly 10 turaqty, 10 maýsymdyq jańa jumys oryndary qurylǵan. Qazir onda ósip shyqqan qyzǵaldaq gúlderi jınalyp, Halyqaralyq áıelder kúni merekesine oraı naryqqa shyǵaryla bastady.
Jergilikti qyzǵaldaqqa elimizdiń ózge oblystarynan da tapsyrys túsýde.