Pavlodardyń respýblıkalyq joldarynda sý basýy yqtımal 4 ýchaske bar

<p>PAVLODAR. KAZINFORM - Pavlodar oblysynyń aýmaǵyndaǵy respýblıkalyq joldarda sý basýy yqtımal 4 ýchaske bar. Olar Baıanaýyl, Ertis, Maı aýdandary aýmaǵynda ornalasqan. Kún jylyna bere qar kúrt erise, keıbir joldardyń ústimen qyzyl sý ótýi múmkin.</p>

«QazAvtoJol» UK» AQ Pavlodar oblysy boıynsha fılıal dırektorynyń orynbasary

Foto: Óńirlik kommýnıkatsııalar qyzmeti

 

nyń sózinshe, kóktemde negizgi qaýip «Qalqaman-Baıanaýyl-Úmitker-Botaqara» avtojolyndaǵy eki ýchaskege tónýi ǵajap emes. Ásirese, 231 shaqyrymy osal dep tanylyp otyr.

— Bul jerde sý ótkizetin eki tıýbıngti jáne bir temir-betondy qubyr ornalasqan. Biraq avtojoldyń ózi oıpań jerde. Jazǵyturym saı-salamen júgiretin sý kóp kólemde jınalsa, joldyń ústimen júrip ótetini anyq. Sondyqtan bizdiń kásiporynnyń qyzmetkerleri ol jerge iri jáne qıyrshyq tastar, qum toltyrylǵan qaptar, ózge de ınertti materıaldardy daıyndap qoıdy. Ekinshi ýchaske — 100-105 shaqyrym aralyǵy. Ol jerge 2 jáne 3 aralyqty úlken kópirler salynǵan. Mundaǵy asfaltty jol da oıpańmen ótedi. Aşysý ózeni arqyly aǵyl-tegil aǵatyn sý qatty jaıylsa jolǵa shyǵyp ketýi yqtımal, - dep eskertti maman.

Úshinshi qaýipti ýchaske — "Atameken-Ertis-Rýsskaıa" polıana baǵytyndaǵy respýblıkalyq joldyń Reseımen shekaralas tusyndaǵy 5,8 shaqyrymdyq aınalma jol. Negizgi avtojol jóndeýge jabylǵandyqtan 2022 jyly aınalma jol salynǵan. Byltyr sý ótkizetin qurylystardyń jetkiliksizdiginen aınalma joldyń bir bóligin sý basyp, bıiktetilgen jerdi jyryp ótken.

«QazAvtoJol» kúshimen ótken jyly 11 sý ótkizetin qubyr tóselipti. Biraq bıyl Ertis aýdanynda qardyń mólsheri óte kóp ekenin eskersek, bul qurylystardyń tótennen keletin mol sýǵa tótep bere alatynyna kúmán mol.

Sońǵysy — "Atameken-Kóktóbe-Úlken Aqjar-Kýrchatov" avtojolynyń 213 shaqyrymy. 2018 jyly kóktemde dál janynan ótetin temirjoldyń úlken sý qubyry kenetten ashylǵanda lap qoıǵan sý kólik jolyn basyp qalǵan. Bıyl da sol jaǵdaı qaıtalanýy múmkin.

Óńirlik jumyldyrý daıyndyǵy jáne azamattyq qorǵaý basqarmasynyń basshysy Qanat Kárimovtiń dereginshe, jalpy oblys aýmaǵyndaǵy barlyq avtojoldarda 1279 sý ótkizetin qurylystar bar.

Olar jergilikti atqarýshy bıliktik kúshimen 10 naýryzǵa deıin qardan arshylyp, daıyn turýy kerek.