Pavlodardan eksportqa qandaı taýarlar jóneltiledi

<p>PAVLODAR. KAZINFORM - Jyldyń alǵashqy 9 aıynda Pavlodar oblysyndaǵy syrtqy saýda aınalymynyń kólemi 2 mlrd 600 mln AQSh dollaryn quraǵan. Syrtqy saýda aınalymynyń negizgi úlesi eksportqa tıesili &ndash; 87%.</p>

Pavlodar oblysy boıynsha memlekettik kirister departamenti jyldyń alǵashqy 9 aıynda respýblıkalyq bıýdjetke 12 mlrd 366,9 mln teńge kedendik tólemder men salyqtardyń túsýin qamtamasyz etti. Óńirdiń syrtqy saýda aınalymynyń kólemi 2 mlrd 600 mln AQSh dollaryn quraǵan.

- Eksporttyń negizgi taýarlyq pozıtsııalary - metallýrgııa, munaı-hımııa jáne otyn-energetıka keshenderiniń ónimderi. Eksport qurylymynda mynadaı taýarlar basym: metaldar jáne olardan jasalǵan buıymdar – 53,8% (ferroqorytpalar, legırlenbegen alıýmınıı jáne t. b.), mıneraldy ónimder – 40,6% (mys kontsentraty, kómir, munaı koksy jáne t. b.), hımııa ónerkásibi ónimderi – 2,8% (metallýrgııalyq glınozem, kaltsıı nıtraty jáne t. b.), janýarlar jáne ósimdik tektes ónimder – 1,7 % (kúnbaǵys tuqymy, jumsaq bıdaı, maıly zyǵyr, asshaıan tsısteri jáne t.b.), jabdyqtar men mehanıkalyq qurylǵylar – 0,5% (kabeldik ónimder),-dep habarlady óńirlik memlekettik kirister departamentinen.

Al ımport qurylymynda mynadaı taýarlar basym: jabdyqtar men mehanıkalyq qurylǵylar – 59,7%, hımııa ónerkásibiniń ónimderi – 14,7%, janýarlar men ósimdikterden alynatyn ónimder – 6,6%, metaldar men olardan jasalǵan buıymdar – 4,3%, mıneraldy ónimder – 1,6%.

Eske sala keteıik, kúzde elimizden 1,8 mln tonna egin eksportqa jóneltildi.