Pavlodardaǵy shańǵy kýrortynda aspaly joldan aqaý shyǵyp, 6 adam qutqaryldy

PAVLODAR. QazAqparat – Pavlodar oblysynda alty adam aspaly arqanjolda turyp qalǵan. Bul oqıǵa Baıanaýyl aýdanyndaǵy «Myrzashoqy» taý-shańǵy kýrortynda boldy, dep habarlaıdy QazAqparat tilshisi.

«Búgin saǵat 16:12-de «Myrzashoqy» taý-shańǵy kýrortyndaǵy aspaly arqanjoldan aqaý shyǵyp, ol toqtap qalǵan. Sonyń saldarynan áýede 6 adam qalyp qoıǵan», - dep habarlady Pavlodar oblystyq tótenshe jaǵdaılar departamenti.

Fırma qyzmetkerleri men Pavlodar oblystyq TJD qutqarýshylary shamamen 5 metr bıikten 4 adamdy qutqarsa, shamamen 20 metr bıikten taǵy ekeýin tómenge túsirip aldy.

Foto men vıdeo Pavlodar oblystyq TJD alyndy