Pavlodardaǵy Buqar jyraý mýzeıi volonterlerdi jádiger jınaýǵa jumyldyrmaq

PAVLODAR. QazAqparat - Buqar jyraý atyndaǵy ádebıet jáne óner mýzeıinde eriktilermen erkin kesh ótti, dep habarlaıdy QazAqparat pavlodarnews.kz portalyna silteme jasap.

Mýzeı qyzmetkeri Dosjan Muratbektiń aıtýynsha, sharanyń negizgi maqsaty - bıylǵy Eriktiler jylyna oraı óńirimizdegi volonter jastarmen birlese otyryp, oblysymyzdaǵy mádenı sharalardyń aýqymyn keńeıtý, birlesip tyń bastamalardy uıymdastyrý.

- Jalpy eriktilermen qolǵa alǵaly otyrǵan bastama negizgi úsh baǵyttan turady, - dedi Dosjan Muratbek. – Birinshisi – «mobıldi poezııa» jobasyn qolǵa alý. Bul baǵytta eriktiler kez kelgen aqynnyń óleńin oqyp, uıaly telefondaryna túsirip, bizge joldaıdy. Jaz aılarynda úzdik shyqqandarǵa Baıanaýylǵa ekskýrsııa uıymdastyrý josparlanǵan. Al, ekinshisi – erikti ekskýrsııa júrgizýshilerdi jasaqtap shyǵarý. Úshinshisi – eriktilerdi mýzeı qoryna jádiger jınaýǵa jumyldyrý. Búgin osy jumystardyń basy retinde mýzeıimizde erkin kesh uıymdastyrdyq.

Shara barysynda qazaq poezııasy qorynan óleńder oqylyp, ásem ánder shyrqaldy, utqyrlyq oıyndar oınatylyp, qonaqtarǵa syılyqtar tabystaldy.

Aıta keteıik, keshtiń ereksheligi ár túrli pishindegi 3D gologrammalar – qozǵalmaly beıneler kórermen qaýymǵa usynyldy.