Pavlodardaǵy alıýmınıı zaýyty óndiristik shańnyń kólemin 55 myń tonnaǵa qysqartady
«Biz úshin asa mańyzdy máselelerdiń biri – qorshaǵan ortany qorǵaý. Biz kásiporyndarmen, ekologııalyq belsendilermen jáne profıldi mınıstrlikpen birge birqatar baǵyt boıynsha keshendi jumys júrgizip otyrmyz. Osylaısha, alıýmınıı zaýytynda gıbrıdti elektr fıltrlerin iske qosý arqyl shań kólemi jylyna 2,4 myń tonnaǵa deıin tómendetildi. 10 jyldyq baǵdarlama taǵy 55 myń tonnaǵa qysqartýdy kózdeıdi», - dedi ákim.
Aımaq basshysy atalǵan tájirıbe ózge de óndiris oshaqtaryna engiziletinin aıtty.
«Osyǵan uqsas tehnologııa Aqsý qalasynda «Eýroazıattyq energetıkalyq korporatsııasy» aktsıonerlik qoǵamyna tıesili elektr stantsııasynyń energııa bloktarynda da engizilip jatyr. Sondaı-aq qazaqstandyq elektrolız zaýytynyń tsehtarynda jeńdik súzgiler aýystyrylýda. Kásiporyndardyń sanıtarlyq-qorǵaý aımaqtarynda kógaldandyrýdyń úlesi ósip keledi. Bıyl 28 myńnan astam tal otyrǵyzylady. Ekologııalyq monıtorıng salasynda avtomattandyrý jalǵasady», - dedi Ábilqaıyr Sqaqov.