Pavlodardaǵy Uzynsý aýylyn topan sýdan qorǵaý úshin respýblıkalyq jol buzyldy

<p>PAVLODAR. KAZINFORM &ndash;</p> <p>&nbsp;Ertis aýdanynyń Uzynsý aýylyna qarǵyn sý qaýip tóndirýine baılanysty mamandar osyndaı sheshim qabyldaǵan. Qazir Atameken-Ertis-Rýsskaıa Polıana avtojolynyń 194-236 km aralyǵynda kóliktiń barlyq túrine shekteý qoıyldy. Bul týraly &laquo;QazAvtoJol&raquo; AQ kompanııasy habarlady.</p>

3 sáýir kúni saǵat 06.00 shamasynda Pavlodar oblysy Ertis aýdany Uzynsý aýylyna sý tasqyny qaýpi tónýine baılanysty jergilikti atqarýshy organnyń sheshimimen respýblıkalyq mańyzy bar «Atameken-Ertis-Rýsskaıa polıana» avtojolynyń 207 shaqyrymyn buzý jumystary atqaryldy. Erigen qar sýy qazir sol arqyly aǵyp ketip jatyr. Panfılov aýylynan RF shekarasyna deıingi 194-263 shaqyrym aralyǵynda kólik quralynyń barlyq túriniń qozǵalysyna shekteý qoıyldy. Qaýipsiz jol qozǵalysyn qamtamasyz etý maqsatynda táýlik boıy baqylaý ornatyldy. Atalǵan ýchaskede 9 tehnıka jumys istep jatyr», - dep málimdedi kompanııadan.

Óńirlik tótenshe jaǵdaılar departamenti oblys boıynsha 7 avtojol ýchaskesi baqylaýda turǵanyn málimdedi. Qardyń erýi jáne nóser jańbyrdyń saldarynan qazirgi ýaqytta Aqtoǵaı, Sharbaqty jáne Ertis aýdandarynda jalpy sany 18 turǵyn úı sý astynda qaldy. 

Aqtoǵaı aýdany Sholaqsor aýylynda sý deńgeıine monıtorıng jalǵasyp jatyr. Sý tasqynyna qarsy is-sharalar Jalaýly aýylynda da júrgizilýde. Keshe 1 200 qapshyq tóselip, 275 tonna ınertti materıal tógilgen. 90 myń tekshe metr sý soryldy. 

Qazirgi tańda soltústik aýmaqtaǵy aýdandar erekshe baqylaýda tur. Jelezın men Tereńkól aýdandarynda eldi mekenderden erigen qar sýyn burý boıynsha jumystar júrgizilip jatyr. 

Oblys boıynsha sý tasqynyna qarsy is-sharalarǵa barlyǵy 350 adam, 137 birlik tehnıka, 39 motopompa, 2 júzý quraly jumyldyrylylǵan. 

Eske sala keteıik, pavlodarlyq qutqarýshylar Sholaqsor aýylyn topan sýdan aman alyp qaldy. Oblysta sý tasqynyna baılanysty bir aýylda tótenshe jaǵdaı jarııalandy.