Pavlodardaǵy qurylys bólimi satyp alynǵan páterlerge 13 mln teńgeni artyq tólegen

<p>PAVLODAR. KAZINFORM - Tekserý komıssııasy Atameken kentinen satyp alynǵan páterler úshin qosylǵan qun salyǵy tólengenin anyqtady.&nbsp;</p>

Zańnama boıynsha turǵyn ǵımarattyń bóligi satylǵan ýaqytta salyqtyń mundaı túrinen bosatylady.

Oblystyq sotqa kelip túsken iste Pavlodar qalalyq qurylys bólimi men jergilikti JShS arasynda memlekettik satyp alý týraly shart jasalǵany aıtylady. Qujat boıynsha ákimdik Atameken kentindegi kópqabatty turǵyn úıden 30 páterdi 122,2 mln teńgege satyp alǵan jáne sonyń ishinde qosymsha qun salyǵy úshin 13,1 mln teńge tólem jasaǵan.

«Tekserý komıssııasy sońǵy 3 jyldaǵy bıýdjettiń jumsalýyn aýdıtorlyq tekserý barysynda 13,1 mln teńge somanyń artyq tólengenin anyqtady. Salyq kodeksiniń 396-baby 1-tarmaǵynyń 1) tarmaqshasyna sáıkes, turǵyn ǵımarattyń tek qana turǵyn emes úı-jaılardan turatyn bóliginen basqa, turǵyn ǵımaratty (turǵyn ǵımarattyń bóligin) ótkizý qosylǵan qun salyǵynan bosatylady. Soǵan oraı ǵımarattyń negizgi qunyna qosymsha qun salyǵyn qosymsha engizý zańǵa qaıshy keledi. Buǵan qosa salyq organynyń málimetinshe JShS 13 089 642 teńge somasynda QQS-ty bıýdjetke tólemegen. Osyǵan baılanysty qurylys bólimi negizsiz tólengen somany óndirip alý týraly sotqa júgindi», - dep habarlady oblysttyq sottyń baspasóz qyzmetinen.

Sot birinshi ıntantsııadaǵy talap aryzdy qanaǵattandyrdy. Al kásiporyn ıesi azamattyq ister jónindegi alqaǵa apellıatsııalyq shaǵym túsirdi. Biraq alqa kásipkerdiń shaǵymyn qanaǵattandyrýsyz qaldyrdy. Sot qaýly kúshine endi.