Pavlodardaǵy kórkemsýret mektebinde kompıýterlik dızaın synyby ashyldy
Úlken sheberhanalarda kez kelgen keskin-beıneni jeıdege japsyryp bere qoıatyn qyzmet túrleri bolady. Qaladaǵy kórkemsýret mektebiniń balalary endi ózderiniń qııalynan týǵan tańǵajaıyp sýretterin kompıýterde beınelep, onysyn arnaıy prınter arqyly basyp shyǵara alady.
Buǵan qosa munda qysh sheberhanalary da bar. Jańa sheberhana men kabınetter qala ákiminiń grantyna jabdyqtaldy.
«Balalar óner mektebi 1979 jyly qurylǵan, shahardaǵy eń kóne oqý oryndarynyń biri.
Mektepte 1200 oqýshy bilim alady. 32 pedagog jumys isteıdi, barlyǵy joǵary bilimdi. Árqaısysynyń ózindik erekshe shyǵarmashylyq stıli bar. Bizdiń kóptegen pedagogterimiz qalalyq, respýblıkalyq jáne halyqaralyq kórmelerge únemi qatysady», — deıdi qalalyq bilim berý bóliminiń basshysy Qýanysh Qydyrálın.