Pavlodardaǵy aıyqtyrǵyshta oryn jetpeı jatyr

<p>PAVLODAR. KAZINFORM - Oblys ortalyǵyndaǵy ýaqytsha beıimdeý jáne detoksıkatsııa ortalyǵynda demalys jáne merekelik demalys kúnderi oryn jetpeı jatyr. Búginde munda maskúnemderdi aıyqtyrýǵa arnalǵan nebári 24 oryn qarastyrylǵan.</p>

Pavlodarlyq polıtseıler ýaqytsha beıimdeý jáne detoksıkatsııa ortalyǵyndaǵy oryn sanyn ulǵaıtýdy surap otyr. Aıtýlarynsha, aıyqtyrǵysh únemi tolyp turady, tipti keı kúnderi shaqtalǵan oryn sanynan eki ese asyp túsedi.

- Aıyqtyrǵyshtaǵy oryndar sanyn kóbeıtpese bolmaıdy. Ýaqytsha beıimdeý jáne detoksıkatsııa ortalyǵynda demalys jáne merekelik demalys kúnderi oryn jetpeı jatyr. Іshimdikke toıyp alǵan azamattar qoǵamdyq oryndarda shý kóterip, qylmys jasaıtyn jaıttar jıi kezdesedi. Nemese qylmystyq iste zardap shegýshi retinde tanylady. Sondyqtan bul másele ózekti,-deıdi Pavlodar oblysy polıtsııa departamenti jergilikti polıtsııa qyzmeti bastyǵynyń orynbasary Azamat Kúrkebaev.

Tártip saqshylary aıyqtyrǵyshtaǵy oryn sanyn 24-ten 55-ke deıin arttyrýdy suraıdy.

Eske sala keteıik, Pavlodarda jetim qyzdy zorlaǵan er adam polıtsııa qolyna túspeý úshin ózin atyp óltirdi.