Pavlodardaǵy alıýmınıı zaýytynda órt shyqty

<p>PAVLODAR. KAZINFORM - Pavlodardaǵy alıýmınıı zaýytynyń aýmaǵynda ornalasqan №1 jylý-energııa ortalyǵynda órt shyqty. Kompanııa ókilderi oqıǵa JEO-nyń jumysyna áser etpeıdi dep otyr.</p>

Búgin tústen keıin alıýmınıı zaýytynan burqyrap shyqqan qoıý qara tútin pavlodarlyq turǵyndardy alańdatyp qoıdy. Zaýyt aýmaǵynda qalanyń biraz bóligin jylýmen qamtyp turǵan jylý-energııa ortalyǵy bar. Jalyn sol aýmaqta baıqalǵan soń, qystyń kózi qyraýda JEO-ǵa zııan kelmes pe eken degen saýal týyndady.

«Eýroazıattyq energetıkalyq korporatsııasy» AQ-nyń PR-qyzmeti órt oqıǵasy «Alıans PV Stroı» merdiger kompanııasy elektr stansasynda buzyp jatqan gradırnıada bolǵan degen habar taratty

— «Qazaqstan alıýmınııi» AQ fılıaly — «Elektr stantsııasy» aýmaǵynda «Alıans PV Stroı» merdiger uıymy salqyndatqysh munarany bólshekteý jumystaryn jaýaptanǵan. Bólshekteý jumystary aıaqtalǵannan keıin, túske taman bul aýmaqtan tútin shyqqany anyqtaldy. Bul týraly quzyrly tsehtyń ınjener-tehnology dereý habarlady. Aqparat stansa aýysymynyń bastyǵyna jetkizilip, ol dereý memlekettik emes órtke qarsy jáne tótenshe jaǵdaılar qyzmetine qońyraý shalǵan. Jalyndy qoldanatyn jumystar júrgizýge berilgen ruqsat pen narıad tárkilendi. Zardap shekkender joq. Qazirgi ýaqytta órt sóndirý bólimshesi oqıǵa ornynda jumys istep jatyr, — dep málimdedi «Eýroazıattyq energetıkalyq korporatsııasy» AQ-nyń PR-qyzmetinen.

Kompanııa ókilderi órt № 1 JEO-nyń jumysyna áser etpeıdi dep sendirip otyr.

Eske sala keteıik, Pavlodar oblysynda úlken dúken órtenip ketti.