Pavlodarda júrgizýshi jasóspirimdi avtobýstan májbúrli túrde túsirgeni úshin jazalandy
Áleýmettik jelige monıtorıng júrgizý kezinde jergilikti jelide marshrýttyq taksı júrgizýshisi mektep kartochkasynyń bolmaýyna baılanysty jasóspirim qyzdy túsirip ketken beınejazba jarııalandy.
– Polıtsııa qyzmetkerleri tekseris júrgizdi. Atalǵan kólik quralynyń júrgizýshisi anyqtaldy. Oǵan qatysty zańdy ókilderiniń erip júrýinsiz júrgen kámeletke tolmaǵan qyzdy qoǵamdyq kólikten májbúrlep túsirgeni úshin ákimshilik is qozǵaldy. Aıyppul salyndy, - dedi Pavlodar qalasy PB bastyǵynyń birinshi orynbasary Arman Qaptaev.
Esterińizge sala keteıik, 16 maýsymda Memleket basshysy sáýirde qol qoıǵan áıelder men balalardy qorǵaý týraly zańnamaǵa engizilgen ózgerister kúshine endi. Sonymen Qazaqstan Respýblıkasynyń Ákimshilik quqyq buzýshylyq týraly kodeksiniń 593-baby 1-1-bóligimen tolyqtyryldy.
Endi zańdy ókiliniń erip júrýinsiz kele jatqan 16 jasqa tolmaǵan adamdy qoǵamdyq kólikten kúshtep túsirgeni úshin júrgizýshiler ákimshilik jaýapkershilikke tartylady.