Pavlodarda júk kóligimen soqtyǵysqan Gazel júrgizýshisi kóz jumdy

<p>PAVLODAR. KAZINFORM - Daf xf júk kóligi jyldamdyqty shamadan tys asyryp, Gaz-2705 kóligin soqqan. Jol apaty saldarynan Gazel júrgizýshisi qaza boldy.</p>

Oblys ortalyǵyn ońtústik-batys jaqtan aınalyp ótetin Nurly jol avtojolynda bolǵan kólik apatynan Gaz-2705 júrgizýshisi kóz jumdy.

«Daf xf júk kóligi Nurly jol avtojolynda jyldamdyǵyn baqylaı almaı «Gazel» avtokóligimen soqtyǵysqan. Qatty soqqydan «Gazel» jol shetindegi qısyq syzyqty bileýge baryp soǵylǵan. Apat saldarynan Gaz-2705 júrgizýshisi oqıǵa ornynda til tartpaı ketken», dep habarlady Pavlodar oblysy polıtsııa departamentiniń baspasóz qyzmetinen.

Qazirgi ýaqytta avtokólikter aıypturaqqa qoıylyp, tergeý-tekserý sharalary júrgizilip jatyr.

Eske sala keteıik, Pavlodar – Baıanaýyl avtojolyndaǵy kólik apatynan 4 adam zardap shekti.