Pavlodarda jolaýshylar jıi shaǵym túsiretin tasymaldaýshy aýystyrylmaq

<p>PAVLODAR. KAZINFORM - &laquo;Pavlodar avtokombınaty&raquo; JShS qyzmet kórsetetin qalaishilik 6 baǵyt boıynsha jolaýshylar tarapynan aryz-shaǵym jıilep ketken. Jurtshylyq avtobýstardyń keshigip keletinine jáne kólikterdiń eskiligine narazy.</p>

Pavlodar qalasynyń ákimdigi №1, 1E, 2, 9, 18 jáne 27 avtobýs baǵyttary boıynsha qyzmet kórsetetin tasymaldaýshymen aradaǵy kelisimshartty sot arqyly buzǵaly otyr.

- «Pavlodar avtokombınaty» JShS alty avtobýs baǵytyna qyzmet kórsetedi. Atalǵan fırmadaǵy qoǵamdyq kólikterdiń nashar jaǵdaıy men turaqty júrmeýine qatysty shaǵymdar jıi túsedi. Turǵyn úı-kommýnaldyq bólimi kompanııamen kelisimshartty buzatynyn, ol boıynsha sotqa talap aryz túsirip jatqany týraly tasymaldaýshyny habardar etti, - dep habarlady qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldarynyń bóliminen.

Pavlodar qalalyq máslıhatynyń tóraǵasy Qobylanbek Qojınnyń sózinshe, joǵaryda atalǵan 6 baǵyttaǵy avtobýstardyń júrý aralyǵy 15-ten 31 mınýtqa deıin uzarǵan. Sondaı-aq kólik jetispeýshiligi bar, máselen №2 baǵytta qala kóshelerine 10 avtobýs shyǵýy kerek bolsa, shyn máninde 8 avtobýs qana qyzmet kórsetken.