Pavlodarda jol-kólik oqıǵalary 67%-ǵa kóbeıgen

<p>PAVLODAR. KAZINFORM - Árbir besinshi jol-kólik apaty balalardyń qatysýymen bolady. Máselen 357 oqıǵa barysynda 94 jetkinshek japa shekti.</p>

Kún jylynǵaly pavlodarlyq polıtseıler mototsıkl mingenderdi qadaǵalaýdy kúsheıtti. Buǵan deıin Ertis-Baıan óńirinde bes aıda jol apatynan 3 bala kóz jumǵany týraly jazǵan edik 

«Jyl basynan Pavlodar oblysynyń aýmaǵynda 357 jol-kólik apaty tirkelip, onyń saldarynan 458 adam ártúrli dárejede jaraqat alǵan. Apattar saldarynan 23 adam qaza tapty. Buǵan qosa zardap shegýshilerdiń árbir besinshisi – balalar», dep málimdedi Pavlodar oblysy boıynsha quqyqtyq statıstıka jáne arnaıy esepke alý jónindegi departamenti bastyǵynyń orynbasary Jánibek Kenjebaev. 

Pavlodar oblystyq polıtsııa departamenti jergilikti polıtsııa qyzmeti basqarmasynyń bastyǵy Qýanysh Mustafınovtyń dereginshe, jol-kólik apattarynyń sany ótken jyldyń dál osy kezeńimen salystyrǵanda 67%-ǵa ósken. Bir qyzyǵy, apatqa jıi jol beretinderdiń deni - 30 ben 39 jas aralyǵyndaǵy júrgizýshiler. Ekinshi orynda 21-29 jas aralyǵyndaǵy jastar. 

Polıtseıler Pavlodar oblysy aýmaǵynda beınebaqylaý kameralarynyń azdyǵynan kólik apattary jıi bolady degen pikirde. Avtojoldardaǵy beınebaqylaý quraldarynyń sany kelesi jyly aıtarlyqtaı kóbeıedi degen jospar bar.

Eske sala keteıik, Pavlodarda skýterge mingen eki jasóspirim Kamazǵa soǵylyp kóz jumdy.