Pavlodarda jol aqysy 200 teńgege deıin qymbattaýy múmkin

<p>Pavlodarda avtobýs jáne tramvaımen júrý baǵasy 200 teńge bolýy múmkin. Ákimdik buıryǵynyń jobasy Ashyq NQA portalynda jarııalandy, dep habarlaıdy <a href="https://www.inform.kz/ru/povisit-stoimost-proezda-namereni-v-pavlodare-1d3b47" target="_blank" rel="noopener">Kazinform</a>&nbsp;tilshisi.</p>

Qazir qaladaǵy jol aqysy karta nemese qosymsha arqyly 80 teńge bolsa, qolma-qol tólem baǵasy — 130 teńge.

Oqýshylar tegin qatynaıdy, zeınetkerler jartysyn tóleıdi.

Bir jyl buryn ǵana turǵyn úı-kommýnaldyq sharýashylyq jolaqynyń ózindik quny qazirgi tarıften birneshe ese kóp ekenin, baǵytyna qaraı bir sapar baǵasy 192 teńgeden 700 teńgege deıin baratynyn málimdegen bolatyn.

Tasymaldaýshylar tarıfti kóterýdi talap etti.

Biraq qala basshylyǵy jol aqysyn qymbattatpaı, onyń ornyna shyǵyny kóp marshrýttardy sýbsıdııalaýdy usyndy.

Al tasymaldaýshylar avtobýstardy jalǵa berýdiń ornyna kólik júrgizýshilerin shtatqa qabyldap, avtoparkti jańartýǵa tıis edi.

Soǵan qaramastan Pavlodarda jolaqy qymbattaıyn dep tur. Jobada bul sheshimge otyn, elektr men kóliktiń qosalqy bólshekteri baǵasynyń qymbattyǵy sebep bolǵany aıtylǵan.

«Otyn, qosalqy bólshekter men elektr energııasynyń qymbattaýyna baılanysty „Pavlodar oblystyq kólik odaǵy“ qaýymdastyǵy men tasymaldaýshylardyń jol aqysyn kóterý týraly ótinishin negizge aldyq» delingen buıryq jobasynda. 

Osy qujatqa sáıkes, bir rettik sapar baǵasy karta nemese qosymshamen tólegende — 100 teńge, qolma-qol — 200 teńge.

Ázirge naqty sheshim qabyldanǵan joq, joba talqylanyp jatyr.