Pavlodarda jyl basynan mas kúıde kólik basqarǵan 43 azamat ustaldy

<p>PAVLODAR. KAZINFORM - Kólik tizginine mas kúıde jarmasqandar polıtseılerden jaltarý úshin túrli sebepter oılap tabady. Mysal úshin bir azamat alkogol ıisiniń shyǵyp turǵanyna óziniń súıiktisin kinálaǵan.</p>

Patrýldik polıtsııa batalonynyń qyzmetkerleri táýlik boıy reıdtik is-sharalardy júzege asyrady. Jyl basynan beri ınspektorlar mas kúıinde avtokólik júrgizý boıynsha 43 faktini anyqtady. Bir qyzyǵy, júrgizýshiler ózin aqtaý úshin árdaıym jańa jáne qyzyqty sebepter oılap tabady eken.

- Mysaly, Pavlodardaǵy Estaı - N.Nazarbaev dańǵylynyń qıylysynda saǵat tańǵy bester shamasynda VAZ markaly avtomashına toqtatyldy. Áńgime barysynda júrgizýshiden alkogoldiń ıisi shyqty. Medıtsınalyq kýálandyrý kezinde júrgizýshi biraz ýaqyt buryn túngi klýbta óziniń masaıyp qalǵan súıiktisimen súıisip, ıis sodan shyǵyp tur dep túsindirdi. Saraptama júrgizýshiniń mas bolǵanyn rastady. Oǵan qatysty ákimshilik materıal toltyryldy,-dep habarlady Pavlodar oblysy polıtsııa departamentiniń baspasóz qyzmeti.

Júrgizýshi 15 táýlik merzimge ákimshilik qamaýǵa alynyp, júrgizýshi kýáliginen aıyryldy.