Pavlodarda jyl basynan beri 82 páterdi tonap ketken

<p>PAVLODAR. KAZINFORM - Polıtseıler páter urlyǵynyń aldyn alýdyń bir amaly - dabyl júıelerin ornatý jáne kásibı qaýipsizdik qurylymdaryna júginý ekenin aıtady. Páterde temir esiktiń bolmaýy men qulyptyń álsizdigi qaskúnemderge oıyndaǵysyn júzege asyrýǵa erik beredi.</p>

Jyl basynan beri Pavlodar oblysynyń aýmaǵynda 1192 urlyq tirkelse, sonyń ishinde 82 páter urlyǵy anyqtalǵan.

- Páter urlyǵy qalalar men aýyldyq jerlerde keń taralǵan qylmystyq isterdiń biri bolyp otyr. Zııankester turǵyn úıge ený úshin ártúrli ádisterdi qoldanady jáne olar múlikti de, jolynda kezdesken adamdy da aıamaıdy. Tonaýshylar kóbine qaýipsizdik deńgeıi álsiz nysandardy tańdaıdy. Bul degenimiz temir esikterdiń bolmaýy, qulyptardyń álsizdigi nemese dabyldyń bolmaýy,- dep habarlady Pavlodar oblysy polıtsııa departamentiniń baspasóz qyzmetinen.

Tártip saqshylary páter urlyǵynyń aldyn alýdyń bir ádisi-dabyl júıelerin ornatý jáne kásibı qaýipsizdik qurylymdaryna júginý ekenin aıtady. Máselen, Pavlodar qalasyndaǵy dúkenderdiń birinde dabyldyń arqasynda taýardy zańsyz alǵan adam ustaldy. Taǵy bir jaǵdaıda uıymdardyń birinde mys kabelderin urlaýǵa tyrysqan azamattyń áreketin dabyl toqtatty.

Pavlodarda er adam dúken kassasynan 800 myń teńgege jýyq qarajatty úptep ketken.