Pavlodarda jeti jas ǵalymǵa Qanysh Sátbaev atyndaǵy grant tapsyryldy

<p>PAVLODAR. KAZINFORM - Ertis-Baıan óńirinde &laquo;Qanysh isbasarlary&raquo; konkýrsynyń nátıjesi shyǵaryldy. Іzdenisimen elden erekshelengen 7 jas ǵalymǵa Qanysh Sátbaev atyndaǵy grant tabys etildi.&nbsp;</p>

Marapattaý saltanaty Qanysh Sátbaevtiń 125 jyldyq mereıtoıyna arnalǵan respýblıkalyq ǵylymı konferentsııa barysynda uıymdastyryldy.

Mundaı qurmetke Álkeı Marǵulan atyndaǵy pedagogıkalyq ýnıversıtettiń ǵalymdary Aıtolqyn Dúzelbaeva, Qymbatsha Muhamedıeva, Dınara Shákenova, Toraıǵyrov ýnıversıetinen Mádı Rahymov, Ivan Radelıýk, Rımma Ýálıeva, Q.Sátbaev atyndaǵy Ekibastuz ınjenerlik-tehnıkalyq ınstıtýtynyń rektory Dalıda Sıvaraksha ıe boldy.

Eńbegi elenip, tuǵyrdan kóringenderdiń biri – Toraıǵyrov ýnıversıtetiniń «Qazaqstan tarıhy» kafedrasynyń postdoktoranty, PhD doktory Mádı Rahymov. Mádı Ilıaluly sońǵy jyldary Ertis-Baıan óńirindegi kıeli jerlerge tarıhı turǵydan baǵa berýge eńbek sińirip júrgen jas ǵalymdardyń biri. Ol kıeli oryndardy damytý jáne nasıhattaýmen aınalysady. Otarlyq, keńestik jáne táýelsiz Qazaqstandaǵy estelik oryndar tarıhyn zertteýmen shuǵyldanyp, jaqyn ýaqytta monografııalyq eńbek shyǵarmaq nıette.

Eske sala keteıik, Qanyshtyń ákesi Imantaı Sátbaıulyna «Halyq sýdıasy» tósbelgisi ne úshin berilgeni týraly jazǵanbyz.